رحمك الله ياروحي

[أميرة الثلج]

................................
.*.* رحمك الله ياروحي *.*.


صباح الهم ياروحي .. صباح عذبني بذكراه..
ذكرني بـ آلامي .. ذكرني بكود الآه..
صباح زادني هم على همومي .. صباح زادها جروحي..وجدد لي ماضي أحزاني
تحملت الوجع لكن بدى صري يملني..!!
ياقلبي زادت طعونك..
ياقلبي وش بتتحمل..؟!
ضيم وقهر ، فراق وألم ، حسره وندم..
خيّب الله صباح الهم..
صباح كان فيه فراق..صباح كان فيه بعاد..!
ذكرته يوم صد عني وراح..
زاد الألم..أدمى الجراح....
رحل يوم ذكرى مولدي..!!
أهداني هالصدمه بعيدي..هديه أنهت حياتي..توفى معها إحساسي
حارت دمعتي..مدري أفرح بميلادي والا أحزن على موتي..!!!
روحي ماتت مع رحيله
رحمك الله ياروحي..!
آآه..ياردى حظي!!
كيف يكون فراقه بيوم عيدي..؟!
يعني مستكثر علي الفرح!
شلون ابفرح واحتفل بشموع..!.!
أولعها نهار العيد وأطفيها مسى عيدي.
أنا بحتفل بدموع أتذكر فيها محبوبي....
أعزي بها نفسي..أرثي فيها سنيني..
دموع أحيي فيها صباح الهم..وأسمي عيدي عيد الجرح!!
العيد..اللي أوله همسه وآخره صدمه وآآآآآآآه مع دمعه..
دمهة كالنار احترقت منها وجنتي..انحفر خدي لمجرى دمعتي..
يادمعتي.. أرخصتك عشانه..
يابسمتي.. قتلتك يوم حبيته..ذبحتك يوم صنته وعزيته..
ياليتني حقرته وذليته..
ياأحلامي اللي انبنت..وكان هو فيها فارسي..!!
عودي لواقع صدمتي..تعالي واسي علتي..
غاب عني وجرحني غيابه..
كان أحيان يجفا..لكني أعذره ولأجل المحبه أسامحه..
غلط مره ومره ومره..حسبتها مليون غلطه..
لكن أكبر غلط لما قال لي كلمه....!!
قالها: أحبــــــــــك ...
قالها بخجل.. أوهني بحبه وصدقته..
تعلقت بوهم..تعلقت بحلم..كان أجمل حلم..تعلقت بحبل مقطوع..تعلقت بأمل مسلوب..تعلقت بسراب الحـــب...!!
وعدني كثير وعود..وعطاني كثير عهود..
وعدني محبوبي عني مايرحل..وعدني مايخليني!!..
تعاهدنا نكون واحد..في كل شي أنا وهو واحد..
ووعدني مايبكيني..وأبد مايوم ينساني..
واليوم أشوفه أخلف الوعد ورحل..وبسبته أبكي..وأكيد بعد نساااني..
آآآآآه يامكذب وعوده..

كنت أعيش معه بسعاده..طرت في حبه مثل الحمامه..!!
فرحت..فرحت..ومن فرحتي طرت..
ودعت معه الدموع..كل الدموع..الا دموع الفرح كانت ماتفارقني..
عشت بوهم حبه..وتركت الذكرى القديمه..ذكرى أيام الطفوله...
تركتها..وعشت بعالم ثاني..وبنيت حلمي الوردي..وصرت أميره في قصري..!!
وآآآآآه..ياللأسف...!!
مرت أيام وأيام..
وبانت كذبته..خلاص انكشفت لعبته..
كل شي راح..كل شي انتهى..
ضاعت أحلامي..وانهدم قصري على راسي..!
بكيت وبكيت..حزنت وشقيت..
زادت آلامي..وكثرت أوجاعي..
تمادت أحزاني..ومل صبري مني..!!
ومالي غيري..ربي..
يارب خفف عني هومومي..
آآآآه حسبي على من قال لي مره.. أحبــك !!
أدعي على من أوهمني بحب ذبحني.. حب ذلني..
عسى يجيه من البلا ماجاني.. ويشرب من الكاس اللي منه سقاني..
عساه يطيح بحب يعميه..!! مثل مابحبه أعماني..
وعساه مايتهنى بأيامه وتسود قدامه الليالي..
عسى صباح الهم دووووم له مخاوي..
ياعساه يصبح بهم ويمسي بهم.. وتتجمع همومه وتكثر عليه البلاوي..
ويصير عايش مذبوح.. ويصبح قتيل الهم..!!!
ويردد...
... رحمك الله ياروحي ....

ــــــــــــــــــــــــــــــــــــــــ ــــــــــــــــ

أتمنى تعجبكم..
وإذا فيها غلط سامحونا..

[شواطئ الحب]

كلمات رائعة جدا
فيها من الجمال والبساطة

شكرا لك وماقصرتي
وعسااااااك على القوة
ننتظر جديدك

[ملك البلورة]

	يعطيك العافية الاخت الكتكوته يؤلمني مشاكدة تلك الحروف البريئة يسوء قلبي ندب الروح يضايقني طاري الفراق وبقدر ذلك يبقى للبوح دور في الامتاع أعجبني بوحك ببساطة تعابيره وعفوية كتابته جميل ما فاض به خاطرك حزين في معانيه من ذهب فليذهب أختي الكريمة أنظري للغد بتفائل أكثر فمن تركك لا يستحق هذا كله دمتي بود أخوك الهوس

[/b]

[أميرة الثلج]

اللعفو اخوي شواطئ الحب
الله يافيك اخوي بسام
ومشكورين ع الطله

[fofo666]

	يالي زعلت ازعل ولاني مراضيك.....اشرب كدر ماي البحر كانه ارضاك لاتحسب اني عقب صدك بداريك...... بعز نفسي عنك مادراك مادراك اربع سنين انا متحمل تغليك ...... راضي بتعذيبك لاجل قلب اغلاك وخليتني واليوم والله لخليك ..... وادوس قلبي لينه يقول خلاك قبل توريني الحساير بوريك ..... ليما يقال فلان هانك ووراك كانك تحداني فانا اقبل تحديك ..... وانسى الغرام اللي مضى واتحداك ماني بقايلك عسى الله يهنيك ..... الله يحرمك كل ماكان هناك عسى العمى ياخاين العهد يعميك.... فوق الغرور اللي عن الماضي اعماك وعساك ماتسمع قريب يناديك ...حيثك تجاهل صوت محروم ناداك وعسى الشلل يعوق رجل تمشيك... لينك تندم ليش غيرت ممشاك وعسى حياتك بس فرحه لشانيك...يلقى بها فرصه عدوك ويشناك وعسى الليالي اللي تجيني بطاريك ... يصبح عليها الصبح وتموت طرياك وعسى المنام وكل راحه تجافيك ... امين حتى اللي تمناه يجفاك وعساك ماتفرح وتكثر بلاويك.... وامك تشق الجيب من عظم بلواك ولامت جعلك في جهنم تصاليك .... نار الجحيم ونار دنياك تصلاك الله يكره فيك حتى دوانيك ..... غشاش خاين من من الناس داناك هذي النهايه روح الله يجازيك ... امسك ويومك عنهم الغد يجزاك

الكتكوتة

كلمات ولا أروع
مشكوورة ماقصرتي

تحـياتي لك

[أميرة الثلج]

العفو ومشكور اخوي ع الطله الجميله