اذا كان فيه شي يجذب قولوا لنا يمكن نفكر نشتري لنا كم واحد ...
السؤال
ليش تحتفظ البنت بهذه الدببة؟ :
وهذا بعض اللي يقولون عنه الناس :
بعض البنات يمسكون الدب ويتكلمون وياه ويقولون كل أسرارهم ليه!!
يعني انا اشوف انها نفسيه شوي !!!
ويقولون بعد أن البنت تلجأ للدب اذا شعرت بأن مافي أحد يفهمها في وسط أسرتها!!.
اذا كان هذا صحيح؟
انزين ..
ليش الدب بالذات؟ :
وش فيه الارنب او الغزال .... والله وش حلاته !!
اتمنى اشوف ردودكم خاصه من البنات
منقووول لانه عجبني
Do0oDe
18-10-2006, 05:57 PM
:fasel6:
شوطئ الحب
تصدق والله مدري
حتى انا كل غرفتي دببه مو بس معبيتها بالدبب
وكمان مخدات كل الاشكال عندي قلوب :67: ودبب وفراشات و ورود
بس انا ما اتكلم مع الدب لسه ماوصلت لهذي المرحله الله يستر بس
بس اني لمن اتفش احيانا اقعد اسرح في الدب او اتفرج عليه :12: >>> شكلها بدايه العقدهـ :25:
اما المخدات لمن اكون نايمه لازم امسكها او انام عليها
بس ما اعتفد حاله نفسيه يعني له فوائد
مثلا يعطي منظر حلو للغرفه
اعبي الغرفه شويه عشان احس انها مليانه
وبعضها تكون هدايا
واخر شئ بقولكـ :
انو انا في حركه مسويتها على كل دب عندي
مدري عن البنووتات يسوها ولا لا
بعض الدببه الي عندي حاطه فيها عطور صاحباتي او ناس اعزهم
ويكونو بعدين عني ولمن اشيل الدب اشم الريحه >> وتعود الذكريات :1:
وما اقدر استغني عن اي دب فيهم كل ما اجي ارمي واحد اقول لا حرام
واحطه في الدولاب مع انو دايما يخوفوني ويقولو حرااام احط دبب في
غرفتي بس ما اقدر لازم اسوي ديكوور وشوية زحمه معايه في الغرفه
هذا كل الي عندي ,,,
:69: على الموضوع
تحيـــــــــــــــــــــــــــاتي
احلـــى do_ode البنوتـــات
:fasel6:
دفء المساء
18-10-2006, 08:29 PM
شواطىء الحب
اممم بصراحه مادري ليه وماقط فكرت ليه يعني انا عندي دباديب من يوم ما انا صغيره وللحين عندي حاطتهم جنب المخده واحس اني مره متعلقه فيهم ومايهون علي اقطهم يعني احب وارتاح لما يكونون بغرفتي يعني ويعطون بعد ديكور ومظهر دافي للغرفه واحب لما انام امسك دبدوب منهم بس اممم انا مو بس احب الدباديب عندي خروف صغير وقطوات ودبدوب على شكل دوده عملاقه خخخ يعني انوع مو صنف واحد بس و الحمدلله للحين ماوصلت لاني اكلمهم واسولف معهم شدعوه !!
الحب شكرا على موضوعك المميز ولفتحك موضوع للنقاش
لا عدمنا جديد قلمك
شواطئ الحب
20-10-2006, 02:57 PM
أحلــــى do_ode البنوتـــات
مرورك وتعليقك زاد الموضوع اشراقا
وماذكرتيه في ردك
اكثر واقعية
وهذا دليل على الشعور المرهف لدى الأنثى
شكرا :69:
شواطئ الحب
20-10-2006, 03:01 PM
دفء المساء
مرورك على موضوعي
اشبه بتساقط رذاذ المطر
في ارضٍ خضراء
لكِ مني اطيب تحية
وشكرا على التعليق الجميل
يسلموا ياااا دفء المساء
اسيرة الآمال
22-10-2006, 06:41 AM
طبعا انا بالكاد لاتخلوا غرفتي من الدببه
بكل مكان دببه
احب انواع واشكال
عندي دب كبييييييير احظنه اذا احتجت لحنان قبل لا انام
امي تصعد اغلبهم فوق الستار من كثرهم وانا انزلهم كلهم كلهم
عندي قطو اموووووووووووت فيه الله يصلح امي رمته بحجة انه انتهت صلاحيتة
وانقهرت عليه
حتى لو كان وسخ مشقق ابييييييييييييييه ابيييييييييييييييييييه
بس الي راح مايرجع للاسف
اااااااااااااااااه ودي بكيت عليه
الحين دباديبي لو احد يريمهم ببكي عليهم بكاء فقد حبيب او صديق
ايه بالله عشرة عمري هي
شكرا لك اخوي على هالسؤال
تحياااااااتي
شواطئ الحب
28-10-2006, 02:14 PM
اسيرة الآمال
دائما ردودكِ متواضعة
تدل على رونقك المهذب
وشخصك الهادئ
لكِ مني اطيب التحيا
بأصدق النوايا
عيون الكون
30-10-2006, 08:55 AM
حلو السؤال عزيزي شواطئ الحب..
بالنسبة لي أنا دباديبي كلها محشورة بدولاب وأحن لها بين فترة وفترة وأروح
أطل عليها وأتذكر أيام الطفوله وأقول هذا جاني يوم كذا بمناسبة كذا وهذا جاني من البلد الفلاني وهذا من هناك
بس عندي مني ماوس مسميتها ((ليلي--LILY))>>>عاشت الأسامي جابتها لي أختي من أمريكا وهي المفضلة عندي..
وتجيني حالات أحيانا أدللها أكثر من عيال أخواني..
بالنسبة لمرحله الكلام معهاربي لك الحمد ماوصلت لها بعد >>>>احتمال أوصلها الله ينجيكم..
آسفه عالإطالة والكلام الملخبط
وشكرا لك أخوي شواطئ الحب عالطرح المميز..
عيون الكون
شواطئ الحب
30-10-2006, 11:47 AM
عيون الكون
كلامك المتناثر
اشبه برذاذ المطر
الذي يتبعه واحات خضراء
كتبتي بمصداقية وشفافية
شكرا لروحك وشخصك
والى الامام
(:$( عذاري الشوق ):$)
16-12-2006, 08:59 AM
حلووووووووووووووووو ذا الموضوع
انا غرفتي ما تقدر تدخلها من الدببه الي فيها
اذا سالت عن سر احتفاضي بها
قد يكون السر هو من اهداني اياها او من تذكرنني به
اما اذا زعلت ما اضن اني ارجع الى غيرها فهي ما تقدر تهرب
مثل غيرها ...................
هههههههههههههههههههههههههههههههههههههاي
شواطئ الحب
15-05-2007, 01:54 PM
هنا العمر
شكرا لمرورك المعطر بفل الياسمين
تحياتي لك اختي
والله يخلي لك الدببة
سجووم
24-05-2007, 08:32 PM
من جد سؤالك مهم وحلوووو
فعلا كل البنات عامتا يحبون الدببه اكثر من اي شي
وبالذات الاحجـــام الكـــــــــــــــــبيره
لان فيه اوقات تمر علينا شوية عواطف جياشه نحتاج فيها لحظن الدب
مالكه الاحزان
قد يكون اطرائك في مكانه
لكي تحياتي واشواقي
غزال وماتصيدونة
21-06-2007, 03:37 AM
اناحالتي زي البنات بس الفرق هو ان غرفتي مافيها دببه فيها0000000000000فيهااااااااا
استحي اقول00000000
فيها قردة 000
ايوة قردة احبهم مررررررررررة
سر احتفاضي فية هو اني احكي له عن كل شي بخاطري طبعا اكيد موالكل يتقبل شكوال فا اروح دغري عالقرد000000000
بس المصيبة اذا جا يوم وتكلم يوووووووووووووة بنروح فيهاااااااااااا00
فالنساوي
21-06-2007, 11:10 AM
شواطئ الحب...
المشكلة مو عن ليش الدب بالذات...
المشكلة في طريقة ضمة الدب..فيه بنات اعوذ بالله من قوة الضمة تحصل الدب من القهر وده يصارخ ويتكلم
هههههههههههههههههههههههههههههههاي
وانا اتوقع ان البنات يتفظن بالدب يمكن لانه يملك شعر ناعم ويحسس بالنعومة..
بس ركز على صرخة بعض الدببة..
خخخخخخخخخخخخخخخخخـ
تحياتي لك
!^حلو الاهداب^!
21-06-2007, 02:43 PM
مشكور اخوي لا عدمناك..
وتحياتي..
حلو الاهداب..
شواطئ الحب
23-06-2007, 08:07 PM
غزال وماتصيدونة
فالنساوي
!^حلو الاهداب^!
مروركم رائع
واضافتكم اروع
لكم تحياتي واشواقي
like rose
08-07-2007, 09:46 PM
انا مااحط الدب بغرفتي ولا اهتم له بالعكس ارميه بس تجيني هفات اقعد اتامله واحس اني لوشكيت همي راح يخفف عني بس انا مو ميولي دببه اناميولي قططه وحده كذا بيضاء وفيها فرووكثييييييييييير وشريطه حمراء تقبل مروري اختك بحر
شواطئ الحب
09-07-2007, 04:38 PM
يعطيك العافية اختي بحر الهموم
شكرا لمرورك عسى الله لا يحرمنا منك
وعسى الله لا يحرمك من نواااف:2:
تحياتي
like rose
10-07-2007, 12:39 AM
انحرمت وقضيت :50: لاتطري الجرح يجرح اكثر لو سمحت لاتجيب هالموضوع ثاني اطلع الحره فيك:14:
الالماسة الحساسة
10-07-2007, 01:31 AM
والله انا ماعندي الادب واحد كبيير
وقطووة بس ماصفها ع السرير بدولاب متى ماشتقت له
طلعته وتذكر الذكرى العزيزة علي
هذي فكرتي للدببه ذكرى والتامل فيه
مشكوووووووووور اخوي
شواطئ الحب
12-07-2007, 12:05 PM
بحر الهموم:10:
ليه تحطين الحره فيني
وش سويت:8:
اذا كان على موضوع الدب
بالعكس لازم تخلين هالشئ ذكرى لك:6:
شواطئ الحب
12-07-2007, 12:14 PM
الألماسة الحساسة
بصراحة
اي فتاة هي بحاجة ماسة لكي تفضفض لأي شخص ترتاح له
وبصراحة الدب اقرب شخص للفتاة
تحياتي يا قمر
(:$( عذاري الشوق ):$)
12-07-2007, 04:14 PM
شواطئ الحب...
المشكلة مو عن ليش الدب بالذات...
المشكلة في طريقة ضمة الدب..فيه بنات اعوذ بالله من قوة الضمة تحصل الدب من القهر وده يصارخ ويتكلم
هههههههههههههههههههههههههههههههاي
وانا اتوقع ان البنات يتفظن بالدب يمكن لانه يملك شعر ناعم ويحسس بالنعومة..
بس ركز على صرخة بعض الدببة..
خخخخخخخخخخخخخخخخخـ
تحياتي لك
فالنساوي
على اساس الضمه ممكن تكون البنت لها عاطفه ومشاعر
ما تقدر تبادلها اللآخرين من خوفها من النضره الي بينضرون لها بها
لهذا تلقى احسن شئ تغير وتفرغ عواطفها في العابها
وبعدين وش عليك اذا ضمه العابها وباستها بقوه انا عن نفسي واتكلم
بصراحه احظن العابي وابوسه والمها كل ما حسيت اني معتاجه لنوع من العاطفة
انزين يمكن البنات يوافقوني في هذا الشئ لان غير الالعاب بيهرب منا وصاير هذا كثير
يعني بعدنا صغار ومالنا غير العابنا
تحياتي
like rose
12-07-2007, 04:23 PM
براءة الاطفال ok
شواطئ الحب
12-07-2007, 05:22 PM
مشكورة اختى صدى الحب على تعليقك:6:
اللي يضيف توضيح لمشاعر البنت الجياشة
وما عليك من فلنساوي:2:
يا كثر كلامه:13:
والله احبك يا فلنساااوي:15:
كلي دلع
12-07-2007, 05:26 PM
أحم أحم.. وصلت
كلا ولا دبدوووووب و القطاااااااااااوو
يا حلاتهم والله أنهم حلوووووووووووين
أحلى ما فيهم أنك تحضنهم و تاخذ حنااااااااان
و تعطيهم حنااااااااااااااااان
فالنسااوي
عاد البنات كيفهن شووووووووو يسووووون
دبدوووبهن عاد .. يضمنهن بقووووه يجنلنه و الله مالك خص
أنا وي أختي صدى الحب
شواطئ الحب
12-07-2007, 05:32 PM
كلي دلع
ما عليك من احد
خذي راحتك
ومثل ما قالت صدى الحب
ان الدب هو الشئ والوحيد
اللي تقدر البنت ان تفضفض معه
مما جعلني اُطالب وبشدة بوجود دكتور نفساني لها البنات الرومنسيات
والله من جد قطعن قلبي،،
واحده تبكي،،
وواحده تتكلم مع قطوتها مدري دبها
وواحدة قاعدة تبوسه،،
يامثبت العقل والدين
ياأخواتي العزيزات المرأة عاطفة،،، والعاطفة ماتخرج للدب ..........
وماأبغى اتشعب بالموضع الى ان اعرف كم متوسط الأعمار اللي بالمنتدى
حتى نشوف هل حنفتح حضانة ولا فصول محو امية؟؟؟؟
ختاما
بأقولكم سر
تصدقون غرفتي مافيها ولا دب والحمدلله والمنة.... ماتشوفون فيها غير .......
ولا اقولكم بلاشي اكشف اسراري
المهم
هل معنى ذلك انني خالية من علامات الأنوثة والرزمانسية؟
تحياتي
شواطئ الحب
13-07-2007, 05:25 PM
مشكورة اختي الحالمة على مرورك واضافتك الرائعة
طبعا وبدون منازع اغلب النساء والفتيات
وبنسبة 99.99% تمتلك العاطفة الانوثية
وهذه العاطفة لاتسطيع الانثى ان تتجاهلها
خوفا من فقدانها
فالانثى بعطاطفتها تحاول ان تخاطب من يفهمها
فالبعض تخاطب امها
والبعض والدها
والاخرى اخيها
والبعض زوجها
او حبيبها
وان لم تجد من تخاطبه
اختارت الدب المسكين الذي تعتقد انه هو الذي يفهمها
صحيح انه جماد
لكن الانثى تتمتع بخيال اوسع من الفضاء
فتتخيل هذا الدب شخص قريب لها
لكي تخاطبه وتوانسه بكل ما تواجهه الانثى
وليس هناك علاقة بوجود دب او غيره في غرفتك
بوجود العاطفة الانثوية
فانتي انثى
اذا تمتلكين العاطفة الانثوية
ومن المؤكد انكِ تجدين من تخاطبينه وتواسينه
وليس للدب حاجة في حياتك
شكرا لكِ اختي الحالمة
لكي ارق التحايا
اخوك: شواطئ الحب
الكونتيسة خوخه
13-07-2007, 09:48 PM
ويبقى السؤال اخوي شواطئ الحب
ماموقفك وأنت تُشاهد اختك وهي تُناجي دبها؟؟؟؟
ولك ان تتخيل مختلف الفئات العمرية
تحياتي
شواطئ الحب
13-07-2007, 10:41 PM
شكرا اختي الحالمة على المرور والتعليق
بالنسبة لردك وتعليقك
فهو خارج عن صلب الموضوع
لان مضمون الموضوع كان يناقش ظاهرة عامة وواقعية
ليست لشخص محدد بذاته
سواء اختك او اختي
ولكل شخص حريته الشخصية المقتنع فيها
تحياتي اختي الغالية
الكونتيسة خوخه
14-07-2007, 07:47 AM
ماأختلفنا ياخوي
لكن اليست ظاهرة غريبة لمن تجاوزت مرحلة الطفولة ؟؟؟
وانا في ردي الأول تسألت عن متوسط اعمار الفئة التي ادلت بدلوها..
وبناء على العمر نستطيع اكتشاف وجيه عدة. وهذا ماأريده...
ولا تنسى ياأخي ان الموضوع في زاوية النقاشات الجادة ،،،اي انه ليس بالضرورة ان نناقش فقط اسئلتك،،، فالسؤال قائم في كل رد من الردود
وأنا انادي من هنا وعلى هذا المنبر ان من يطرح فكرة في النقاش الجاد لابد ان يتجاوب مع كل سؤال فالموضوع الواحد يفتح ابواب عدة،،،،،،،،
ونقطة اخرى اود التنويه عليها ..نحن هنا في النقاش لانحتاج لرد يحوي فقط شكرا للمرور او يسلمو او ..... فياليت ننتخلص من هذا البرستيج الذي لامكان له هنا
>>مجرد اقتراح ويبقى المنتدى منتداكم وما أنا سوى ضيفة قد لايطول بقائي
وتحياتي اخوي وانتبه انا ماحبش المقص <<<<يعني ايه
تشاااااااااااااو
النمروبس
14-07-2007, 09:00 AM
شوطي الحب
يعطيك العافيه على الموضوع
تحياتي لك
ملك روحى
14-07-2007, 02:40 PM
هههههههههههههههه
مشكور والله على الموضوع
وكمان عشان شاغل بالك بالبنوتات
مادرى ليه احنا البنوتات نحتفظ باعداد كبيره من الدباديب بس ممكن نقول لان احساس البنت بلامومه وتحب تكون مسئوله عن شىء تعتنى به وتنظفه وتسرح له
انا بعمل كده بحب اعتنى بهم مثل ما ماما كانت تعتنى فيه
كمان ممكن لاننا بنحتاج لشىء نحسه انه جميل وبنحس انهم شىء اذا فرغت منه الغرفه ما بنقدر ندخلها
بص نريد دكتور نفسانى عشان يقولنا ايه سر الدباديب مع البنوتات
ما تنسى تجيب الدكتور قبل ما نتجنن بالدباديب
شواطئ الحب
14-07-2007, 04:43 PM
الحالمة
المنتدى واعضائه يرحبون بشخصك
واتمنى ان يطول هذا التواجد
وان لا تبخلي علينا برأيك او بردك
اختي الحالمة
شكرا لكِ على مناقشتك هذه الظاهرة
التي يمارسها اغلب الفتيات
والتي ذكرو الاسباب
واضافو سبب هذه الممارسة
وبالنسبة لمتوسط الاعمار
فهي مابين 15 الى 25سنة تقريبا تزيد قليلا او تنقص
اكرر شكري
ولكِ فائق تحياتي
شواطئ الحب
14-07-2007, 04:44 PM
النمر وبس
شكرا على مرورك
شواطئ الحب
14-07-2007, 04:47 PM
ملك روحي
اضافتك جميلة
ويمكن توقعاتك صحيحة
وهذا هو السبب الرئيسي عن اغلب البنوتات
شكرا لطتك المعطرة
الكونتيسة خوخه
28-09-2007, 05:42 PM
بعد غيبة
ارجع مرة اخرى
اشكرك شواطئ الحب
على التوضيح
واذا عُرف السبب بطل العجب
شواطئ الحب
30-09-2007, 01:10 AM
بعد غيبة
ارجع مرة اخرى
اشكرك شواطئ الحب
على التوضيح
واذا عُرف السبب بطل العجب
الانثى بطبعها
تحب الاحساس بشخص الى جانبها
لتشعر بالامن
وتشعر بانها في احضان معشوقها
وهذه المشاعر
ليس انا من يتحكم فيها
او الانثى بذاتها
لان هذه المشاعر
لا ارادية في الانثى
وهي من صميم مشاعر الانثى
لا تستطيع ان تتخلى عنها
وشكرا
الكونتيسة خوخه
07-10-2007, 02:37 AM
ياسلام عليك
ياشواطئ الحب
قلت في احضان معشوقها
أليس من حقي ان احس بمعشوقي ،،، ام اكتفي بالنظر اليه كدمية خالية من اي احساس
__________
هنا سؤالي
مالذي من الممكن ان يوفره ذلك الدب لتلك الفتاة؟؟؟؟؟؟؟؟؟
تحيتي
كراميل لاتيه
08-10-2007, 08:52 PM
السلام عليكم ورحمة الله وبركاته
موضوع حساس وطرح واقعي ... سلمت شواطئ الحب
بالنسبة لرأيي في الموضوع فأنا قد أحتفظ بها كشكل ..
فهي ديكور للغرفة لا أقل ولا أكثر !
يعني حلو شكل الدباديب فوق الدولاب وجنب السرير تعطي إحساس بالدفء والأنوثة ..
أما البنات الي يتكلمون عليها أو يمسكونها ويضمونها
أكيد هالبنت محتاجه حنان ومافي شي حولها يحسسها بهالشعور إلا هالدباديب
لذلك تلجأ لها !!
شكري وتقديري لطرحك الرآقي
دام نبض حرفك ،،
:fasel13:
قمة الكربسه
09-10-2007, 01:37 AM
طيب انت حطيت الموضوع بس ولا بنت جاوبت ليييييييييش؟؟؟؟؟؟؟
يا الله يا بنات اعترفوووووووووووو
شواطئ الحب
14-10-2007, 02:49 PM
ياسلام عليك
ياشواطئ الحب
قلت في احضان معشوقها
أليس من حقي ان احس بمعشوقي ،،، ام اكتفي بالنظر اليه كدمية خالية من اي احساس
__________
هنا سؤالي
مالذي من الممكن ان يوفره ذلك الدب لتلك الفتاة؟؟؟؟؟؟؟؟؟
تحيتي
هالشئ مجرد احساس شاعري لا غير
يعني الانثى
ان لمن تستطع ان تحتضن معشوقها
فالدب اقرب وسيلة للاحساس بذلك
تحياتي
شواطئ الحب
14-10-2007, 02:56 PM
السلام عليكم ورحمة الله وبركاته
موضوع حساس وطرح واقعي ... سلمت شواطئ الحب
بالنسبة لرأيي في الموضوع فأنا قد أحتفظ بها كشكل ..
فهي ديكور للغرفة لا أقل ولا أكثر !
يعني حلو شكل الدباديب فوق الدولاب وجنب السرير تعطي إحساس بالدفء والأنوثة ..
أما البنات الي يتكلمون عليها أو يمسكونها ويضمونها
أكيد هالبنت محتاجه حنان ومافي شي حولها يحسسها بهالشعور إلا هالدباديب
لذلك تلجأ لها !!
شكري وتقديري لطرحك الرآقي
دام نبض حرفك ،،
:fasel13:
العفو اختي
شكرا لمرورك الرائع
ومناقشتك للموضوع من الناحية النفسية
تحياتي
شواطئ الحب
14-10-2007, 02:58 PM
طيب انت حطيت الموضوع بس ولا بنت جاوبت ليييييييييش؟؟؟؟؟؟؟
